ӘДІЛЕТТІ ҚОҒАМҒА – ШЫНШЫЛ СӨЗ

Диктор: Қуат Ахметжан

Эфирде: Дүйсенбі, 10:00

Бұл жинаққа Қазақстан Республикасының Президенті Қасым-Жомарт Кемелұлы Тоқаевтың әр жылдары саясат сахнасында қазақ және орыс тілдерінде айтқан таңдаулы сөздері енгізілді.

Жинақтау жұмысы барысында Мемлекет басшысының бұқаралық ақпарат құралдарында жарық көрген мақалалары, әртүрлі жиындар мен кездесулерде айтқан сөздері, іс-шараларда жасаған баяндамалары, сондай-ақ «Свет и тень», «Преодоление», «Как это было... Хроника волнений в Пекине» (апрель-июнь 1989) сияқты өзі жазған кітаптарындағы ойлары қамтылды.

Бұл еңбектің басты мақсаты – Қ.К. Тоқаевтың ұтымды сөздері мен ұтқыр тұжырымдары арқылы оның қайраткерлік тұлғасын, парасатты пайымын, саясаткер әрі зияткер ретіндегі бірегей қолтаңбасын қалың көпшілікке айшықтау, сондай-ақ қазіргі қазақ мемлекетінде табандылықпен жүргізіліп жатқан саясаттың ерекшеліктері мен негізгі басымдықтарынан жинақы әрі нақты түсінік беру.

Кітап саясаттанушы мамандарға, зерттеушілерге және жалпы оқырманға, әсіресе жастарға арналған.

Арман Қырықбаевтың жетекшілігімен құрастырылған