БІЗ ТУРАЛЫ

ALQA RADIOSY

Құрылу тарихы мен мақсаты:

«ALQA» радиосы 2024 жылдың 4 маусымы – Қазақстан Республикасының Мемлекеттік Рәміздері күнінде салтанатты түрде ашылып, осы жылдың 10 маусымынан Қазақстан Республикасының Мемлекеттік Әнұранымен өз жұмысын бастады. Құрылтайшысы Астана қаласы әкімдігінің Дін істері жөніндегі басқармасы. Интернет радио Діндерді зерттеу оралығының жанынан құрылды. Қазақстанның зайырлы мемлекет екенін, мемлекет құрушы қазақ халқының төл дүниетанымы мен наным-сенімін, тұрмыс-тіршілігі мен салт-дәстүрін шынайы түрде насихаттау, отандық және шетелдік радиотыңдармандарға Қазақ елін бейбітсүйгіш мемлекет ретінде таныту, ел азаматтары мен елорда тұрғындарын ізгілік пен имандылыққа шақыру, қазақтың бай музыкалық мұрасы арқылы ұлтымыздың рухани кеңістігін сапалы дүниелермен толтыру негізгі мақсаты болып саналады.

«Алқа» ұғымының анықтамалық сипаты:

Алаш зиялылары 1924 жылы «Алқа» деп аталатын әдеби ұйым құрып, ұлтқа қызмет етудің озық үлгісін көрсетті. Арада 100 жыл өткенде жұмысын бастаған радиомызды «ALQA» деп атаудағы негізгі мақсатымыз – арыстарымыздың арманын қайта жаңғырту. Ертедегі қазақтар ұғымында «Алқа» атауы белгілі бір мәселені алқа-қотан отырып, мәжіліс құрып, кеңесіп шешу мағынасын білдірген (ҚҰЭ). Алқаның бір мағынасы – мойынға тағатын жібек жіп, күміс шынжыр түрінде де келеді. «ALQA» радиосы саналы тыңдарманның мойнындағы алқасына айналғанын қалаймыз.

Мекен жайымыз: 010000, Астана қаласы, Ж.Нәжімеденов көшесі 10/1.

Байланыс нөміріміз: 8-747-751-70-70

Электронды поштамыз: alqaradio.kz@gmail.com