Қазақстан кинотеатрларында «Qajymuqan» фильмінің көрсетілімі жалғасып жатыр. Қанағат Мұстафиннің режиссерлігімен түсірілген фильмге әйгілі қазақ палуанының өмірі мен жеңісті жолы арқау болған.
Фильм ҚР Мәдениет және ақпарат министрлігі мен Ұлттық киноны қолдау мемлекеттік орталығының қолдауымен түсірілген.
Фильм халқымыздың бай тарихы мен мол мәдени мұрасына көрермен назарын аударуды көздейді.
Қазақ елінің мақтанышы, теңдесі жоқ кәсіпқой палуан Қажымұқан Мұңайтпасұлы – күрес өнерінің бірнеше түрін жетік меңгеріп, француз күресінен әлем чемпионы атағына қол жеткізген тұңғыш қазақ. Дүниежүзінің 30-ға жуық мемлекетін аралап, 50-ден астам медаль жеңіп алған.
ҚР Мәдениет және ақпарат министрлігінің баспасөз қызметі
