Қазақстан Республикасының Ұлттық кітапханасында «Мұқағали шығармаларын зерттеудегі жаңа бағыттар» тақырыбында республикалық ғылыми конференция өтті. Іс-шара ақиық ақынның 95 жылдығына және Мұқағали Мақатаев атындағы халықаралық қоғамдық қордың 20 жылдығына орай ұйымдастырылды.
Конференцияға әдебиеттанушылар, зерттеушілер, профессорлар мен жас мамандар қатысты. Жиын барысында ақын шығармашылығының көркемдік-эстетикалық ерекшеліктері талқыланды.
Сонымен қатар, іс-шара аясында Мұқағали Мақатаев атындағы халықаралық қоғамдық қордың қызметі қорытындыланып, оның алдағы жұмысының басты бағыттары айқындалды.
ҚР Мәдениет және ақпарат министрлігінің баспасөз қызметі
